پشتى بریارێن جڤاتا وه‌زیران كو ئێك ژ وان بریاران داشكاندنا كرێیا خواندنێ بوو، ب نڤیساره‌كا فه‌رمییا خواندنا بلند، كرێیا هه‌ر ئێك ژ خواندنا پارالێل، ئێڤاران، دبلۆما بلند، ماسته‌ر و دكتۆرا ل هه‌موو زانكۆ و په‌یمانگه‌هێن حكومییێن هه‌رێما كوردستانێ داشكاندن ب ڕێژه‌یا 20%ێ بۆ هاته كرن.
د خاله‌كێدا ئاماژه ب هندێ هاته‌كرن، جاره‌كا دى بریار هاته دان داشكاندن ب ڕێژه‌یا 20%ێ یا وى پاره‌یێ ل ده‌ڤ قۆتابییان ماى داشكاندن بۆ بهێته‌كرن.
هه‌روه‌سا ئاماژه ب هندێ هاته دان، ئه‌ڤ داشكاندنه ب تنێ بۆ سالا خواندنێ 2023 -2024ێ یه، دڤێت هه‌تا 5-5-2024ێ پاره هه‌موو ب ئێك قست ب زانكۆیان بهێته‌دان.
