ئالان حەمە سەعید، وەزیرێ پەروەردێ یێ حکومەتا هەرێما کوردستانێ ڕاگەهاند، داخوازێ ژ هەمی لایەكی دكەین پشتەڤانییێ ل پێنگاڤا حكومەتێ بن بۆ گرێبەستبوونا مامۆستایێن وانەبێژ و حكومەتا هەرێما كوردستانێ هەمی بزاڤان دكەت بابەتێ مامۆستایێن وانەبێژ بجهبینیت.
ل دویڤ گۆتنا ئالان حەمە سەعید، ل ڕۆژا سێشەمبی 16ـی 04ـی 2024، وەزارەتا پەروەردێ دێ لیستا هەمی مامۆستایێن وانەبێژ دێ ئاراستەیی جڤاتا وەزیران كەت بۆ هندێ ب ڕێكا وەزارەتا دارایی یا هەرێما كوردستانێ ئاراستەیی حكومەتا عیراقێ بهێتە كرن، هەروەسا داخوازا دابینكرنا دارایی ژ حکومەتا عیراقێ بهێتە كرن كو مامۆستایێن وانەبێژێن كوردستانێ ل گەل هەمی مووچەخۆران شایستەیێن خۆ وەربگرن.
دهێتە زانین، نێزیكی 35 هزار و 550 وانەبێژ ل هەرێما کوردستانێ هەنە. هەیڤانە 13 ملیار و 200 دینار وەکو شایستەیێن دارایی ژ لایێ وەزارەتا دارایی ڤە دهێنە دابینكرن و مووچەیێ وانەبێژێن باوەرنامەیا بەکالۆرۆیسێ 400 هزار دینارن و وانەبێژێن باوەرنامەیێن دبلۆمێ 350 هزار دینارن.
