سەرۆكێ ئێكەتییا زاناییێن ئایینێ ئیسلامێ ل كوردستانێ ڕاگەهاند، چەند ڕۆژێن دەستپێكێ یێن هەیڤا ڕەمەزانێ ل گەل كێشەیێن دارایی بڕێڤەچوون، لێ ل نیڤا دووێ یا ڕەمەزانێ مە دیت دبلۆماسییەتا كوردان و بزاڤێن سەرۆكێ حكومەتا هەرێمێ ب سەركەفتن كو كێشەیا مووچەی بەرەڤ قۆناغا چارەسەركرنێ بچیت.
عەبدولا وەیسی، سەرۆكێ ئێكەتییا زاناییێن ئایینێ ئیسلامێ ل كوردستانێ گۆت ژی: وەك ئێكەتییا زانایێن ئایینێ ئیسلامێ دۆپاتدكەین ئەڤ جەژنە ببیتە جەژنا لێبوورینێ و ئێكدوقەبویلكرنێ، ژبەركو گرنگە هەمی وەلاتی هەست ب خۆشییا وێ نیعمەتێ بكەن كو خۆدایێ مەزن دایە مە و ئەم دشێین ب ئێك دەنگیییێ ب سەر ئاستەنگان دا سەربكەڤین، لەوما گرنگە ڤێ جەژنێ ب كریار ئەوێ برایەتییێ ب سەلمینین، ئومێد دكەین وەلاتی زێدەتر د تەبا بن ولایەنێن سیاسی ژی پەیامێن وان یێن پیرۆزباهییا جەژنێ نە بتنێ بروسكە، بەلكو بكەنە كریار.
