هاتنا گه‌شتیاران بۆ دهۆكێ ل ڤێ جه‌ژنێ كێمبوویه‌

هاتنا گه‌شتیاران بۆ دهۆكێ ل جه‌ژنا ڕه‌مه‌زانا ئه‌ڤساله‌، به‌راورد دگه‌ل جه‌ژنێن پار سال كێمبوویه‌، ڕێڤه‌به‌رییا گه‌شتوگوزارێ ژى كێمبوونا ڕێژه‌یا هاتنا گه‌شتیاران بۆ دوو ئه‌گه‌ران ڤه‌دگه‌رینیت.

شه‌مال هرورى په‌یڤدارێ گه‌شتوگوزارا دهۆكێ بۆ ئاژانسا خانى دیاركر، پشتى جه‌ژنا ڕه‌مه‌زانێ ئێكسه‌ر تاقیكرنێن قوتابیان دێ ده‌ستپێكه‌ن، ل ڤان دووماهییان ژى ڕه‌وشا سه‌قای ل هه‌رێما كوردستانێ یا جهگیر نه‌بوو، ئه‌ڤ چه‌نده‌ بووینه‌ ئه‌گه‌ر كو هاتنا گه‌شتیاران بۆ پارێزگه‌ها دهۆكێ كێمبوویه‌، هه‌روه‌سا گه‌شتیارییا ناڤخۆ ژى كێمبوویه‌.

ئاماژه‌ ب هندێ ژى دا، هاتنا گه‌شتیاران ئه‌ڤرۆ پێنجشه‌مبى به‌راورد ڕۆژا به‌رى جه‌ژنێ و ڕۆژا ئێكێ یا جه‌ژنێ تا ڕاده‌یه‌كى زێده‌تربوویه‌، لێ ب شێوه‌یه‌كێ گشتى هاتنا گه‌شتیاران ل جه‌ژنا ڕه‌مه‌زانا ئه‌ڤساله‌ به‌راورد دگه‌ل جه‌ژنێن پار سال كێمبوویه‌.