بسپۆره‌كێ پەیوەندییێن نێڤدەوله‌تی: هه‌بوون و پاراستنا قه‌وارێ سیاسییێ هه‌رێما كوردستانێ یێ گرێدایه‌ ب سیاسه‌تا ده‌رڤه‌ یا ئه‌مریكاڤه‌

ئاژانسا خانی:

د. هەوار نێروەیی، بسپۆرێ پەیوەندییێن نێڤدەوله‌تی و مامۆستایێ زانکۆیا دهۆکێ” د دیداره‌كێ دا بۆ ئاژانسا خانی دیار كر: هه‌بوون و پاراستنا قه‌وارێ سیاسییێ هه‌رێما كوردستانێ یێ گرێدایه‌ ب سیاسه‌تا ده‌رڤه‌ یا ئه‌مریكا ڤه‌” هه‌روه‌سا سیاسه‌تا ده‌رڤه‌ یا ئه‌مریكا و ستراتیجیه‌تا وێ ئه‌وه‌” كو قه‌وارێ هه‌رێما كوردستانێ بپارێزیت” دیسان یا گرێدایی هندێیه‌ كانێ لایه‌نێن سیاسی ییێن هه‌رێما كوردستانێ” چه‌ند د ئێكگرتینه‌ و چه‌ند بزاڤان دكه‌ن بۆ پاراستنا قه‌وارێ هه‌رێما كوردستانێ.

ناڤهاتی گۆت ژی: نوكه‌ ئێكرێزییا لایه‌نێن كوردستانی د ئاسته‌كێ گه‌له‌ك نزم دایه‌” له‌وما پێدڤییه‌ ئه‌مریكا پتر بزاڤان بكه‌ت” بۆ پاراستنا قه‌وارێ هه‌رێما كوردستانێ” چونكی نوكه‌ عێراق و حكومه‌تا عیراقێ پتر به‌ره‌ف مه‌ركه‌زییه‌تێ و عه‌قلییه‌تا مه‌ركه‌زی ی دكتاتۆرییه‌تێڤه‌ دچیت” له‌وما دڤێت ئه‌مریكا ب رێیا هه‌رێما كوردستانێ هه‌موو بزاڤان بكه‌ت” قه‌وارێ هه‌رێما كوردستانێ و ئارامییا عێراقی ژی بپارێزیت” د هه‌مان ده‌مدا نوكه‌ پرۆسا سیاسی ل عیراقێ ژ ده‌ستێ عیراقێ ده‌ركه‌فتییه‌” كونترۆلا سیاسی و سیادا عیراقێ د ده‌ستێ حكومه‌تا عیراقێ دا نینه‌” به‌لكو د ده‌ستێ ئیرانێ دایه‌ و ئیرانێ كونترۆله‌كا ته‌مام ل سه‌ر عێراقێ هه‌یه‌” له‌وما ماده‌م ئیرانێ هه‌ر تشتێ بڤێت ل عیراقێ بكه‌ت” دڤێت ئه‌مریكا ژی پتر هه‌لویست هه‌بیت” بۆ پاشڤه‌كێشانا پرۆسا سیاسییا ئیرانێ ل عیراقێ” داكو هه‌ڤالبه‌ندێن ئه‌مریكا ژی” كو كوردن بشێن سه‌ركه‌فتییانه‌ قه‌وارێ خۆ یێ سیاسی و به‌رژه‌وه‌ندییێن سیاسی یێن ئه‌مریكا ژی ل ڤێ ده‌ڤه‌رێ بپارێزن.

ناڤهاتی گۆت ژی: نوكه‌ عیراق یا د قووناغه‌كا گه‌له‌كا هه‌ستیار دا” ب تایبه‌تی ژی ئه‌و ئالۆزییێن دناڤبه‌را ئیسرائیلێ و حه*‌ما*س*ێ دا رووداین” كو ئه‌و ئالۆزییه‌ ژ شه‌ره‌كێ لۆكالی به‌ره‌ف شه‌ره‌كێ هه‌رێمی ڤه‌ دچن” ئیرانێ ژی ده‌سته‌كێ راسته‌وخۆ دێ ل گه‌ل وی شه‌ری هه‌بیت” هه‌رێما كوردستانێ و عێراق ژی دێ كه‌ڤنه‌ دناڤا قه‌یرانا وی شه‌ری دا” له‌وما ب تنێ هه‌تا راده‌كێ ئه‌مریكا دێ شێت عێراقێ ژ ڤی شه‌ری رزگار كه‌ت” هه‌ر چه‌نده‌ هه‌تا نوكه‌ ئه‌مریكا هه‌لویسته‌كێ رۆن و ئاشكرا د ڤی باری دا نه‌بوویه‌” هه‌روه‌سا ئه‌مریكا سیسته‌مێ فیدرالی بۆ عێراقێ ئینایه‌” له‌وما دڤێت ئه‌مریكا ڤی سیسته‌می بپارێزیت و چاڤدێرییێ ژی لێ بكه‌ت.

د. هه‌وار هێشتا دبێژیت: محه‌مه‌د شیاع سوودانی” سه‌رۆكوه‌زیرێن عێراقێ” ل گه‌ل شانده‌كێ حكومه‌تا عیراقێ دێ سه‌ره‌دانا ئه‌مریكا كه‌ت” كو وه‌زیرێن نه‌فتێ و وه‌زیرێ دارایی و وه‌زیرێ ده‌رڤه‌ و بازرگانی و سه‌رۆكێ بانكا نه‌ڤه‌ندییا عێراقێ ل گه‌ل وی شاندینه‌” ل گه‌ل نوونه‌رێن حكومه‌تا هه‌رێمێ” ڤێ جارێ بابه‌تێ نه‌فتا هه‌رێما كوردستانێ دێ بیته‌ بابه‌ته‌كێ گرنگ” د وان دانوستاندنان دا” چونكی هه‌تا نوكه‌ حكومه‌تا عیراقێ یا ئاسته‌نگان دروست دكه‌ت و ناهێلیت نه‌فتا هه‌رێمێ بچیته‌ هنارتن بۆ ژ ده‌رڤه‌” دیسان پێدڤییه‌ سوودانی ئه‌و رێككه‌فتنێن ل گه‌ل هه‌رێما كوردستانێ كرین بجهبینیت” ئه‌ڤ سه‌ره‌دانا سوودانی بۆ ئه‌مریكا گه‌له‌كا گرنگه‌ و یا گرێدایه‌ ب سه‌ره‌دانا سه‌رۆكێ حكومه‌تا هه‌رێما كوردستانێڤه‌ بۆ ئه‌مریكا” كو به‌ری نوكه‌ ئه‌و سه‌ره‌دانه‌ هاتبوو ئه‌نجامدان.