ب ئامادەبوونا سەرۆك مەسعود بارزانی، خۆلا 16 یا پێشانگەها نێڤدەولەتی یا هەولێرێ بۆ كتێبان دێ هێتە ڤەكرن و بۆ دەمێ 10 ڕۆژان دێ یا بەردەوام بیت.
بۆ دەمێ 16 سالایە پێشانگەها نێڤدەولەتی یا هەولێرێ بۆ كتێبان ب ئامادەبوون و چاڤدێرییا سەرۆك بارزانی دهێتە ڤەكرن و چەندین كەسایەتییێن سیاسی و ڕەوشەنبیری یێن كورد و بیانی تێدا پشكدارییێ دكەن.
بڕیارە ڕۆژا چارشەمبی 17/4/2024، ب پشكدارییا زێدەتر ژ 300 دەزگەهێن چاپ و بەلاڤكرنێ یێن كوردستانێ و عیراقێ و وەلاتێن عەرەبی و بیانی، پێشانگەهـ بهێتە ڤەكرن و ئێك ملیۆن و 500 هزار كتێب د بوارێن جوداجودا یێن زانست و ئەدەب و هۆنەری تێدا بهێنە نمایشكرن.
