بریكارێ وەزارەتا ئاڤەدانکرنێ یا حکومەتا ھەرێما کوردستانێ دیار كر: قووناغا ئێكێ یا پڕۆژێ دروستکرنا ھێلا شەمەندەفرێ تەمام بوویە و نوكه دانوستاندن ل گەل کۆمپانییێن بیانی دهێنه كرن داكو بهێن وی پڕۆژه‌یی دروست بكه‌ن.
حەکیم وەلید، زێده‌تر دبێژیت، وەکو وەزارەتا ئاڤەدانکرنێ وان پینگاڤ بۆ دروستکرنا ھێلا شەمەندەفرێ هاڤێتینه و ل قووناغا ئێكێ وان گرێبەسته‌ك ل گەل کۆمپانییه‌كا ئیسپانی ھەبوو بۆ بابەتێ لێکۆلینا دیراسەتێ بھایێ وێ هێلێ” كانێ وێ هیلێ بۆ ھەرێما کوردستانێ چه‌ند مفا ھەیە” بۆ وان دیاربوو كو چیكرنا هێلا شه‌مه‌نده‌فرێ گه‌له‌ك مفا بۆ ھەرێما کوردستانێ هه‌یه، نوكه دێ مینیت کۆمپانییێن بیانی بهێن کارێ دروستکرنا وێ هێلێ بكه‌ن، كو ژ لایێ تەکنیکی ڤه یا ب ساناهییه، بەلێ بودجەكێ زەبەلاح دڤێت و ب ملیاران دۆلار پێدڤینە.
