د کۆمبوونا جۆ بایدنی و سوودانی دا به‌حسێ پشته‌ڤانییێ ل هەرێما کوردستانێ هاتییه‌ کرن

سەفین دزەیی بەرپرسێ فەرمانگەها پەیوەندییێن دەرڤه‌ یێن حکومەتا هەرێما کوردستانێ” به‌حسێ سەره‌دانا وان ل گەل شاندێ حکومەتا عێراقێ بۆ ئەمریکا و کۆمبوونا جۆ بایدنی سەرۆکی ئەمریکا و محەمەد شیاع سوودانی سەرۆک وەزیرێن عێراقێ كر ب تایبەتی ئەو دانوستاندنێن سەربارەت هه‌رێما کوردستانێ هاتینه‌ کرن.

سەفین دزەیی هەروەسا به‌حسێ گرنگییا پێگەهێ هه‌رێما کوردستانێ و بەرهەمێ سەره‌دانا سەرۆکوەزیرێن هەرێما کوردستان كر بۆ واشنتۆنا پایتەختێ ئەمریكا.

ناڤهاتی گۆت ژی: مه‌ هژمارەكا کۆمبوونان ل گەل چەند وەزیر و ئەنداماێن پەرلەمانی و شیره‌تکارێن ئابووری و ئه‌نه‌رجییێ کرینە، ئەوا من پشكداری تێدا کری، کۆمبوونا سەرەکی ل گەل سەرۆک بایدنی بوو، دیدار ل سەر بنەمایێ چاوانییا دارێژتنا پەیوەندییێن بهێت یێن عێراقێ ل گەل ویلایەتێن ئێکگرتی یێن ئەمریکا بوویه‌، نەکو ب تنێ ژ روویێ سەربازیڤە، بەلکو ژ لایێ ئابووری و ئه‌نه‌رجییێ ڤه‌، ژ لایێ پێشڤه‌برنا جڤاكی مەدەنی و دیموکراسییەتێ و ئەکادیمی و زانستێ و سه‌قایی، کۆمه‌كا بابەتان كو جهێ گرنگیدانا ئەمریکا بوون، کۆمسیۆن و لژنا جۆدا هەبوو کو ل دو رۆژێن بوری ل سەر ئەوان بابەتان دانوستاندن ل گەل ئەمریکییان کرینە، داكو تێگەهشتنا هه‌ڤپشك و کارێ هه‌ڤپشك بکەن، ئەڤە ببیتە نەخشە رێیەک دناڤبه‌را هەردو وه‌لاتان دا.