سكرتێرێ حزبا شیوعییا عێراقی دیار كر، سه‌قایێ ره‌وشه‌نبیری و هشیاری بۆ پێشكه‌فتا جڤاكی زۆرا گرنگه و جهگرا فیدرالییێ ل عێراقێ نینه.
رائید فه‌همی، زێده‌تر گۆت، سه‌قایێ ره‌وشه‌نبیری و هشیاری بۆ پێشكه‌فتا جڤاكی زۆرا گرنگه، د ڤی چارچۆڤه‌یی دا ڤه‌كرنا پێشانگه‌ها نێوده‌وله‌تییا هه‌ولێرێ بۆ كتێبێ ب شێوه‌كێ سالانه، به‌لگه‌یه ل سه‌ر پێشكه‌فتن و ڕه‌نگڤه‌دانا حه‌ز و ره‌وشه‌نبیرییێ، ب تایبه‌تی ژی ل ده‌ڤه‌ره‌كا كو ئالۆزی تێدا هه‌ین.
ڕائید فه‌همی گۆت ژی، سیسته‌مێ فیدرالی پێدڤییه‌كا حه‌تمی بوو بۆ چاره‌سه‌ركرنا دۆزا كوردی ل عێراقێ كو ئه‌ڤ دۆزه ل ده‌ستپێكا دروستبوونا ده‌وله‌تا عێراقێ یا چالاك بوو” هه‌بوونا قه‌وارێ ده‌ستووری یێ هه‌رێما كوردستانێ و سیسته‌مێ فیدرالی ل عێراقێ، “دارێژتنه‌كا مێژوویی” بوو بۆ چاره‌سه‌ركرنا پرسێن كوردستانێ و عێراقێ.
چ لۆژیكی تێدا نینه” كو هه‌تا نوكه عێراق نه‌بوویه خودانا یاسایێ نه‌فت و غازێ” نه‌بوونا ئه‌ڤێ یاسایێ به‌لگه‌یه بۆ نه‌بوونا حه‌زا چاره‌سه‌ر‌کرنا ئه‌ڤی بابه‌تی.
ناڤهاتی گۆت ژی، ئالته‌رناتیڤا فیدرالییێ ل عێراقێ نینه و ب نه‌بوونا فیدرالییێ نه‌كو هه‌رێما كوردستانێ، به‌لكو عێراق دێ باجا وێ ده‌ت و لێكه‌فتێن گه‌له‌ك مه‌ترسیدارن، له‌ما پێدڤییه بابه‌تێن دناڤبه‌را هه‌ولێر و به‌غدا بهێنه چاره‌سه‌ركرن.
