ئاژانسا خانی:
د. محەمەد شوکری، سەرۆکێ دەستەیا وەبەرهێنانێ ل هەرێما کوردستانێ دیار كر: ل هه‌یڤا گۆلانا ئه‌ڤ ساله ل وه‌لاتێ ئیماراتا عه‌ره‌بی ئه‌و وه‌كو ده‌سته‌یا وه‌به‌رهێنانێ دێ پشكدارییێ د دیدارا سالانە یا وەبەرهێنانا جیهانی دا کەن.
ناڤهاتی” زێده‌تر بۆ ئاژانسا خانی گۆت: ل حه‌فتییا دووێ ژ هه‌یڤا گولانێ ل ئەبوزەبی ئه‌و دێ پشكدارییێ د دیدارا سالانە یا وەبەرهێنانا جیهانی دا کەن، كو پرانییا سازییێن فه‌رمی یێن وەبەرهێنانێ یێن وه‌لاتان دێ تێدا پشكدار بن، دەستەیا وەبەرهێنانا هەرێما کوردستانێ وەکو ئەندامه‌كێ ڕیكخراوا وەبەرهێنانا جیهانی بۆ جارا ئێكێ دێ پشكدار بیت و دێ رۆل د وێ دیدارێ دا هه‌بیت.
د. محه‌مه‌د شوكری ئه‌و ژی ئاشكرا كر: د وێ دیدارێ دا گۆتاره‌كا تایبەت یا دەستەیا وەبەرهێنانێ دێ هێته خواندن و ده‌مژمێره‌كێ ژی دێ ده‌لیڤه بۆ دیار كرنا تایبەتمەندییێن وەبەرهێنانێ ل هەرێما کوردستانێدێ هێنه به‌رچاڤ كرن، د سێ ڕۆژان دا شاندێ کوردستانێ دێ کاری بۆ ناساندنا پێشڤه‌برنا هەرێما کوردستانێ ب مه‌ره‌ما هاتنا یتر یا وه‌به‌رهێنه‌رێن بیانی بۆ هه‌رێما كوردستانێ كه‌ت.
