<h2><span style="font-size: 18pt;">جهگهرخوین تاهر ڕێڤهبهرێ گشتییێ وهبهرهێنانێ ل زاخۆ بۆ ئاژانسا خانى دیاركر، ئهوان دسهرهدانا خوهدا بۆ قهتهرێ ژمارهكا مهزنا پرۆژهیان پێشنیازكرن، سێ كۆمپانییێن هۆلدینگ ل قهتهرێ بهرههڤییا خوه بۆ بجهئینانا چهند پرۆژهیێن وهبهرهێنانێ ل زاخۆ دیاركر، ل ههیڤا بهێت شاندهكێ وهبهرهێنهرێن قهتهر دێ سهرهدانا زاخۆ كهت.</span> <span style="font-size: 18pt;">ئاماژه ب هندێ دا، ئێك ژ براندێن جیهانى یێن خوارنگههان دێ ژ قهتهر بۆ زاخۆ هێتهڤهگۆهاستن و خوارنگههـ دێ ل كۆرنیشى هێتهڤهكرن، ههروهسا كۆمپانییهكێ بهرههڤییا خوه بۆ ڤهكرنا پرۆژهیهكێ مهزنێ چاندنێ ل ئیدارهیا سهربهخۆ یا زاخۆ دهربرییه.</span> <span style="font-size: 18pt;">سهبارهت پرۆژهیێن دى ئاشكراكر، پرۆژهیێ سكرێ زاخۆ دێ ب دووراتییا 10 كیلۆمهتران ژ سهنتهرێ زاخۆ یێ دووربیت، ل ههیڤا بهێت شاندێ قهتهرى دێ سهرهدانا زاخۆ كهت و ههلسهنگاندنێ بۆ جهـ و شێواز و دیزاینێ پرۆژهیى كهن، ڕهنگه درێژاهییا 32 كیلۆمهترێن دووجایە ل دهوروبهرێن سكرى ببنه جهێن گهشتیارى، سكرى دێ شیانێن كۆمكرنا 110 ملیۆن و 215 هزار مهترێن سێجا یێن ئاڤێ ههبن و بلنداهییا وى دێ 45 مهتربن.</span> <span style="font-size: 18pt;">جهگهرخوین تاهرى گوت ژى: ئێك ژ پرۆهژیێن دی یێن گرنگ دێ ل گهلییێ زاخۆ هێته بجهئینان، كو چهندین خوارنگههـ هوتێل و كافى دێ لێ هێنهڤهكرن، ڕووبهرێ پرۆژهی 54 ملیۆن 790 هزار مهترێن دووجایه.</span> <span style="font-size: 18pt;">ههروهسا پرۆژهیێن شهمهندهفرا بلهز یا ههلاویستى كو پرۆژهیهكێ گهشتیارییه و ل سهر ڕووبارێ خابووره و درێژاهییا وى شهش كیلۆمهترین.</span> <span style="font-size: 18pt;">پرۆژهیێ وهبهرهێنانا وزهیا كارهبێ ژ ئاڤێ ل سهر ڕووبارێ خابوور، بازارێ بهفرى، هۆلهكا مهزن خۆحلیساندنا ل سهر بهفرێ، باژێرێ یارییان، باخچێ گیانهوهران و كارگههێن بهرههمئینانا شهربهت و مرهبایێ بۆ وهبهرهێنانا قهتهر هاتینه پێشنیازكرن.</span></h2>
