ئه‌ڤرۆ ٢٩ـێ نیسانا ٢٠٢٤ـێ ب سه‌رپه‌رشتیا د.عه‌لی ته‌ته‌ر، پارێزگارێ دهوكێ و ب ئاماده‌بوونا جێگرێ پارێزگاری و ده‌ڤه‌ردارێن سنورێ پارێزگه‌ها دهۆكێ و رێڤه‌رێن سایلویێن گه‌نمی و چه‌ند لایه‌نێن په‌یوه‌ندیدار ل دۆر نێزیكبوونا پرۆسا دورین و بازرگانیكرنا گه‌نمێ جووتیاران و ژ پێخه‌مه‌ت ئاماده‌كاریان بۆ پلانه‌كا گونجای بۆ چاره‌سه‌ركرنا كێموكاسیێن دكه‌ڤنه د ڕێكا پرۆسا ناڤبریدا كۆمبوونه‌كا به‌رفره‌هـ هاته ئه‌نجامدان و پارێزگارێ دهۆكێ هه‌می لایه‌نێن به‌شدار ڕاسپاردن ب شێوه‌كێ بێ كێماسی د خزمه‌تا پرۆسێ دابن.
د كۆمبوونێدا چه‌ند ڕاسپارده و بڕیارێن ل خوارێ هاتنه ده‌ركرن :-
ـ ل دویڤ سنوورێ جوگرافی پلانا وه‌رگرتنا به‌رهه‌مێ جووتیاران بۆ وه‌رزێ ٢٠٢٤ـێ دێ هێته به‌لاڤكرن و وه‌رگرتن ل هه‌رسێ سایلویێن زاخۆ فه‌یدیێ و شێخان.
ـ به‌رهه‌مێ جووتیاران دێ هێته وه‌رگرتن بێی لێبرین و ل دویڤ پشكنینان ئاسانكاری بۆ بهێنه‌كرن.
ـ ب چ شێوه‌كی به‌رهه‌مێ گه‌نمێ جووتیاران ناهێته وه‌رگرتن بێی په‌سه‌ندێن ڕێڤه‌به‌ریێ و ڕێ ناهێته‌دان بۆ هاتنا گه‌نمێ هاورده بوو ناڤ سنوورێ پارێزگه‌ها دهۆكێ.
ـ كاراكرنا لیژنێن سالانه ل سه‌رئاستێ قه‌زایان بۆ بجهئینانا چه‌ند ڕێنمایان.
ـ ئاسانكاری بهێنه‌كرن بۆ ڤه‌گوهاستنا ئامیرێن گه‌نمێ جووتیاران و تیمێن هاتنوچوونێ و پۆلیسان و به‌رگریا شارستانی و سازیێن ئێمناهیێ د ئاماده باشیێدابن بۆ هه‌ر ڕویدانه‌كا نه‌چاڤه‌رێكری دگه‌ل چه‌ند رێنماو ئاماده‌كاریێن دی.
