مه‌سرور بارزانى: ڕۆلێ دیارێ كرێكاران د پێشخستنا كوردستانێدا بلند دنرخینین

مه‌سرور بارزانی، سه‌رۆكێ حكومه‌تا هه‌رێما كوردستانێ ب هەلكەفتا ڕۆژا جیهانی یا كرێكاران، پەیامەك بەلاڤكر.

دەقێ پەیاما سەرۆكێ حكومەتێ:
ب هەلكەفتا ڕۆژا جیهانی یا كرێكاران، پیرۆزباهییێ ل هەمی كرێكارێن كوردستانێ و عیراقێ و جیهانێ دكەم. ئەرك و ماندیبوون و ڕۆلێ دیار یێ كرێكارێن كوردستانێ د ئاڤەدانكرن و پێشخستنا ئابوورێ كوردستانێ دا، بلند د نرخینم.
د ڤێ هەلكەفتێ دا، پابەندبوونا حكومەتا هەرێما كوردستانێ ل پێناڤی باشتركرنا ژیانا كرێكاران و پاراستنا مافێن وان ژڕوویێ ساخلەمی و سلامەتییا پیشەیی و دابینكرنا مافێن وان یێن یاسایی، دۆپات دكەین.
ڕۆژا جیهانی یا كرێكاران پیرۆزبیت و هیڤییا ژیانەكا شایستە و باشتر بۆ وان دخازم.