وەزارەتا پەروەردە یا حكومەتا هەرێما كوردستانێ بریاردا، هەر قوتابیەک ل هەر پۆل و قوناغەکێ بیت ب ئەزموونێن نیشتیمانی و وەزاری ژی ڤە، تووشبوویێ نەخۆشیا پەنجەشێرێ بیت و ئامادەبیت بەشداریێ د ئەزموونان دا بکەت، پێدڤییە ژلایێ لژنەیەکێ ڤە ل ڕێڤەبەریا پەروەردێ ب هەماهەنگی دگەل ڕێڤەبەرێ نەخۆشخانێ پرسیارێن ئەزموونان بۆ بهێنە هنارتن ل نەخۆشخانێ.
د بریارا وەزارەتێ دا هاتیە، ئەو قوتابیێن هاتینە بەحسکرن، ئەگەر ئاستێ نەخۆشیا وان گەشەکربیت یان تووشبوویێن نوی بن و نمرەیێن وەرزێ ئێکێ یێ ئەزموونان هەبن و شیانێن ئەنجامدانا ئەزموونان نەبن، دێ نمرەیێن وەرزێ ئێكێ بۆ هێنە هژمارتن ئەگەر د بەرژەوەندییا وی دا بیت، یان دێ ل خۆلا دووێ ل سەر 100 نمرەیان ئەزموونان ئەنجام دەت.
