ڕۆژا دووشەمبی ل سەلاحەددین سەرۆك مەسعود بارزانی پێشوازی ل شاندەكێ خواندنا بلند و زانكۆیێن ئوردن كر كو پێكهاتبوو ژ دكتۆر مەئمون ئەلدوبعی، جێگرێ وەزیرێ خواندنا بلند ل ئوردن و سەرۆكێن نوی یێن زانكۆیا ل وی وەلاتی.
د دیدارێدا شاندێ مێهڤان ڕۆلێ سەرۆك بارزانی د پڕۆسەیا سیاسییا هەرێما كوردستان و عیراق و بهێزكرنا فەرهەنگا پێكڤەژیان و گەشەسەندنا هەرێما كوردستانێ بلند نرخاند و دووپات ل دۆستایەتی و پەیوەندییێن دیرۆكی دناڤبەرا ئوردن و گەلێ كوردستانێ كر و ئامادەییا خۆ بۆ گرنگیدانا پەیوەندییێن ئاكادیمی و هاریكاری و هەماهەنگییا دناڤبەرا زانكۆیێن هەردوولایان دیاركر.
هەر د ئەوێ دیدارێدا سەرۆك بارزانی ئاماژە ب پەیوەندییێن دیرۆكی دناڤبەرا گەلێ كوردستانێ و شاهنشینا ئوردن دا و سوپاسییا شاهـ عەبدوللا پادشا و حكومەت و گەلێ ئوردنێ كر كو د قۆناغێن جودادا هەڤسۆز و هاریكارێن گەلێ كوردستانێ بووینە. دووپات ل بهێزكرنا پەیوەندی و دۆستایەتییا دناڤبەرا هەردوو لایان د بوارێن جودادا كر.
