ل ڕۆژا سێشەمبی 14ـێ گولانێ 2024، ل سەلاحەدین سەرۆك مەسعود بارزانی پێشوازی ل میتیا لێسكۆڤار بالیۆزێ ڤاتیكانێ ل عیراقێ كر، ب مەرەما دووماهی هاتنا كارێ وی سەرەدانا سەرۆك بارزانی كر.
د دیدارێدا، بالیۆزێ ڤاتیكانێ سوپاسییا ڕۆلێ سەرۆك بارزانی كر بۆ بزاڤێن وی بۆ دەستڤەئینانا سەقامگیری، پاراستنا كەلتوورێ پێكڤەژیان و بەرەڤانیكرنێ ژ مافێن پێكهاتێن ئاینی و نەتەوەیێن هەرێما كوردستان و عیراقێ.
بالیۆزێ ڤاتیكانێ دیاركر، سەرەڕایی هەبوونا گەلەك ئاریشە و ئالۆزییان ل عیراقێ، بەلێ د گەلەك بواراندا ژی پێشكەفتینە ئەڤە ژی ئەگەرێ دلخۆشیێ یە و هەرێما كوردستانێ ب تایبەتی هەولێرێ ب نمونەیەكا سەقامگیریێ و پێشكەفتێ ل قەلەمدا.
هەروەسا د دیدارێ دا، سەرۆك بارزانی ئاماژە ب سەرەدانا قەداسەتی پاپا بۆ هەرێما كوردستانێ و عیراقێ كر و ڕاگەهاند كو شانازیێ ب گەلێ مە وكەلتوورێ پێكڤەژیانێ كر.
سەرۆك بارزانی دیاركر، كوردستان ب هەبوونا جیاوازییێ و رەنگە و رەنگییا خۆ یا جوانە و نابیت ب چ رەنگان ڕێگریێ لێ بهێتە كرن.
هەروەسا پرۆسەیا سیاسیا عیراقێ و پەیوەندیێن دناڤبەرا هەرێما كوردستانێ و ڤاتیكانێ تەوەرەكێ دی یێ دیدارێ بوو.
