ل دەستپێكا دامەزراندنا كابینا نەهێ و ب مەرەما ڕێگری كرنێ ل كارتێكرنێن گوهۆڕینێن سەقای و زیانێن ساخلەمییێ یێن پالاۆگەهێن نەیاسایی، جڤاتا وەزیران بڕیارا داخستنێ دا بۆ هەمی وان پالاوگەهێن لدویڤ مەرج و ڕێنماییێن یاسایی كارناكەن، دهرخست.
ل پێناڤی بەرژەوەندییا گشتی و ساخلەمییا وەلاتییان و پێداچوون ب وان ئەگەرێن ژینگەها هەرێمێ پیس دكەن، د ڤێ كابینێ دا و ب بڕیارا سەرۆكێ حكومەتێ وەزارەتێن پەیوەندیدار هاتنە ڕاسپاردن ژبۆ وێ یەكێ سەرجەم پالاوگەهێن نەیاسایی بهێنە داخستن، ل پێناڤی ڤێ یەكێ ژی لیژنەیەكا تایبەتمەند هاتییە پێكئینان كو دەستە و وەزارەتێن پەیوەندیدار تێدا بووینە ئەندام.
ڕەزاق خەیلانی، پەیڤدارێ دەستەیا چاکكرن و پاراستنا ژینگەهێ ڕاگەهاند، لدویڤ ڕێنماییا ژمارە 1 یا سالا 2020، ل وەزارەتا سامانێن سرۆشتی دهركهڤتییه، پێدڤییە هەمی پالاوگەهـ خۆ ل گەل ئەوان ڕێنمایان بگونجینن، ل ناڤ وان دا هەمی وەزارەتان ڕێنماییێن خۆ داناینە، وان ژی وەكو دەستەیا ژینگەهێ یێن خۆ داناینە كو پێدڤییە هەر پڕۆژەیەكێ پەتڕۆلێ یێ كاربكەت ڕاپۆرتا هەلسەنگاندنا كارتێكرنا وێ ل سەر ژینگەهێ پێشكێشی دەستەیا وان بكەت.
لدویڤ ڕێنماییان پێدڤییە ههمى پالاوگەهێن نەیاسایی بهێنە داخستن و ئەوێن كو مۆلەتا كاركرنێ ژی هەی ب بڕیارا سەرۆكوەزیران پێدڤییە خۆ ل گهل مهرجێن ساخلەمییێ و ژینگەهێ بگونجینن و ئەگەر نە، لێپرسینێن یاسایی دێ ل گەل هێنەكرن ب داخستن یا سزایێ دارایی.
