حكومه‌تا ئیراقێ دێ روینشتنه‌كا نه‌ئاسایى ل دۆر بودجه‌یا سالا 2024 گرێده‌ت

محه‌مه‌د شیاع سوودانى سه‌رۆكوه‌زیرێ ئیراقێ ئه‌ڤرۆ سێشه‌مبییێ سه‌رپه‌رشتییا كۆمبوونا جڤاتا وه‌زیرێن ئیراقێ كر و تێدا به‌حس ل ره‌وشا گشتى یا ئیراقێ و ژماره‌یه‌كا بابه‌تان هاته‌ كرن.

ل گۆره‌ى به‌یانه‌كا حكومى “محه‌مه‌د شیاع سوودانى سه‌رۆكوه‌زیرێ ئیراقێ بڕیار دا جڤاتا وه‌زیران ل رۆژا ئێكشه‌مبییا بهێت روینشتنه‌كا نه‌ئاسایى بۆ گه‌نگه‌شه‌كرنا خشته‌یێن بودجه‌یا سالا 2024 گرێبده‌ت“. تا نوكه‌ خشته‌یێن بودجه‌یا سالا 2024 ژ لایێ جڤاتا وه‌زیرێن ئیراقێ ڤه‌ بۆ جڤاتا نوینه‌ران نه‌هاتیه‌ هنارتن.