نێچيرڤان بارزانى، سه‌رۆكێ هه‌رێما كوردستانێ ئەڤرۆ د كۆمبوونەكێدا ل به‌غدا ل گەل فايه‌ق زێدان، سه‌رۆكێ جڤاتا بلند یا دادوەری یا عیراق، ستايشا بزاڤ و ڕۆلێ زێدانی د چارەسەركرنا ئاریشەیێن وەلاتیدا كر.
د تەوەرەكێ دی یی كۆمبوونێدا باس ل سه‌رەدانا نێچيرڤان بارزانى بۆ تەهران و ديدار و كۆمبوونێن ل گه‌ل سه‌ركردايه‌تى و به‌رپرسێن بلند یێن كۆمارا ئيسلامی یا ئیرانێ هاتەكرن، هه‌روه‌سا په‌يوه‌ندييێن هه‌ولێر ـ به‌غدا و دووماهی پێشهات و دانوستاندنێن دناڤبەرا واندا بۆ چاره‌سه‌ركرنا ئاریشەیان هاتنە گوتۆبێژكرن.
