پلانا دارایی لدووڤ لێکتێگەهشتنا وەزارەتا بەرگرییا ئەمریکا و وەزارەتا پێشمەرگەیی، د بابه‌تێ یەکخستنا هێزا پێشمەرگەیی دبیته دانوستاندن دناڤبه‌را وەزارەتا پێشمەرگەیی و بەرپرسێ نڤێسینگەها هاریکارییا ئاسایشێ ل کونسوڵخانا گشتییا ئەمریکا.
ئه‌ڤرۆ، لیوا توانا سدیق، رێڤەبەرێ گشتییێ بودجە و بەرنامان ل وەزارەتا پێشمەرگەیی، ل گەل کۆلۆنێڵ مایکڵ گاچێرۆ، بەرپرسێ نڤێسینگەها هاریکارییا ئاسایشێ ل کونسوڵخانا گشتییا ئەمریکا ل هەولێرێ، بەرنامە و پلانێن دارایی لدووڤ ناڤەرۆکا یاداشتناما لێکتێگەهشتنێ یا دناڤبه‌را وەزارەتا پێشمەرگەیی و وەزارەتا بەرگرییا ئەمریکا به‌حسکرن.
