د وێ دیدارێ دا بیروڕا دهربارەیی گرنگییا ڕۆل و پشكدارییا ڕەڤەندا کوردی ل دهرڤهیی وهلاتی بهحس كر، ب تایبەتی رۆلێ رەڤەندا کوردی ل بریتانیا و پشتهڤانی و هاریکاریکرنا وان بۆ ڤهگوهاستنا ئەزموونا پێشکەفتی یا وی وهلاتی بۆ هەرێما کوردستانێ” هەروەسا ڕۆناهی خسته سەر هەماهەنگییا دناڤبهرا هەرێما کوردستانێ و بریتانیا ژ پێخهمهتی ئاڵوگۆڕا پتر یا کلتووری و زانستی و سیاسیی و بازرگانی و تەکنەلۆژیایێ.
ههروهسا سەرباز بەرزنجی بۆ سەرۆک بارزانی دیار كر، بۆ باشترکرن و پێشخستنا پەیوەندییێن هەمەجۆر یێن دناڤبهرا هەرێما کوردستانێ و بریتانیا و ناساندنا دۆزا ڕەوایا گەلێ کورد ل کوردستانێ و ژ دهرڤه، هەموو بزاڤێن خۆ دێ ئێخیته كاری.
سەرۆک بارزانی سوپاسییا سەرباز بەرزنجی کر بۆ ئەوێ خزمەتا بۆ گەلێ خۆ ژ دهرڤه دكهت و بزاڤێن وی بۆ بیرئینانا فەرمی و ڤهکرنا هەردو مۆنۆمێنتێن هەلەبجە و ئەنفالێ ل ناڤەندێن فەرمی یێن وهلاتێ بریتانیا.
هەروەسا وەکو نموونەكێ وەسف کر کو ئەگەر دهلیڤه ب کوردان بهێته دان دشێن شییانێن خۆ بسەلمینن و ژ نهتهوێن دیتر کێمتر نینن.
هیڤییا سەرکەفتنێ و بەردەوامییێ بۆ خواست و گۆت” پێدڤییه گرنگی ب پڕۆسا ب جینۆساید ناساندنا تاوانێن ل دژی کوردێن فەیلی و بارزانییان و کێمیابارانکرنا هەلەبجە و ئەنفالا گەلێ کورد بهێته دان.
