ب هەلكەفتا 62 سالییا دامەزراندنا ئێكەتییا مامۆستایێن كوردستانێ، گەرمترین پیرۆزباهییان ئاراستەی سەرۆك و ئەندامێن مەكتەبا سكرتاریەت و سەرجەم مامۆستایێن كوردستانێ دكەم و هیڤییا پێشكەفتنێ بۆ دخازم.
ئێكەتییا مامۆستایێن كوردستانێ، د سەردەمەكێ سەخت دا هاتە دامەزراندن و دیرۆكەكا پڕشەنگدار د خەباتا ڕێكخراوەیی و پیشەیی و داكوكیكرنێ ل ماف و داخازییێن مامۆستایێن كوردستانێ و بەرگریكرنێ ژ مافێن ڕەوا یێن خەلكێ كوردستانێ دا هەیە و ب ڕێز و پێزانین ڤە ل ڕۆلێ گرنگ یێ مامۆستایێن كوردستانێ بۆ پەروەردەكرن و فێركرنا نەوەیێن مە دنێڕین. هیڤی دخازم مامۆستایێن كوردستانێ ل سەر ئەركێ خۆ یێ پیرۆز د بەردەوام بن ل پێشڤەبرنا هزرا نەتەوەی و پێگەهاندنا قۆتابییان و نەوەیێن مە ل سەر پەروەردەكا ڕاست و داهێنەرانە و ڤیانا كوردستانێ و داكۆكیكرنێ ل دەستكەفتێن نەتەوەی و قەوارەیێ هەرێما كوردستانێ.
