ئەڤرۆ چارشەمبی” ” د. عەلی تەتەر” پارێزگارێ دھۆکێ پێشوازییا شاندەکێ ژوورا بازرگانی و ئابوورناس و کۆمپانییێن تورکی ژ عنتابێ و دەروبەران کر.
د ھەڤدیتنەکێدا ب ئامادەبوونا” شوکری جەمیل” سەروکێ ژوورا بازرگانی و پیشەسازییا دھۆکێ و ئەندامێن ژهورێ بەحسێ پەیوەندییێن دێرین یێن بازرگانی و ئابووری و کلتۆری و جڤاکی دناڤبەرا ھەرێما کوردستانێ و تورکیا دا ب گشتی ھاتە کرن.
پارێزگارێ دھۆکێ دیارکر: ھەبوونا پەیوەندیێن گشتی ل گەل تورکیا زۆر دگرن و ل ڤان (30) سالێن بوری بزاڤا بازرگانی و ئابووری دناڤبەرا ھەرێما کوردستانێ و تورکیا دا زۆر خورتبوویە و تەکەزی ل سەر کۆمبوون و روونشتنێن دو ئالی دناڤبەرا بازرگان و سەرمایەدارێن ھەرێما کوردستانێ نەخاسمە یێن پارێزگەھا دھۆکێ ل گەل بارزگان و کۆمپانییێن تورکی کر و دازانین کو ب رێیا پەیوەندییێن بازرگانی پەیوەندییێن سیاسی و جڤاکی و کلتۆری و گەشتیاری ژی پتر دێ ھێنە خۆشکرن و پشتەڤانییا پارێزگەھێ بۆ ھەر ھەڤکاریەکێ نیشاندا” داكو ئاستێ وان پەیوەندییا ژھەموو لایهکیڤە پتر بھێنە پێشخستن.
سەرۆکێ شاندی دیارکر : پشتی سەرەدانا سەرۆکێ تورکیا بۆ ھەرێما کوردستانێ و عیراقێ ، پەیوەندییێن گشتی و ئالوگورییا بازرگانی د ھەموو بیاڤەکیدا دێ پتر وەرارێ کەت.
