ئەڤرۆ 25 هزار فەرمانبەر و مووچەخۆرێن هەرێما كوردستانێ ب ڕێكا “هەژمارا من” دێ مووچەیێن خۆ یێن هەیڤا چار وەرگرن.
ل دویڤ ڕاگەهاندنا تیما پڕۆژەیێ “هەژمارا من” ئەڤرۆ پێنجشەمبی، 16-05-2024، مووچەیێ هەیڤا نیسانێ یێ 25 هزار فەرمانبەر و مووچەخۆرێن هەرێما کوردستانێ كو پتریا وان ل سنوورێ پارێزگەها هەولێرێ نە، ب شێوازێ دیجیتالی و ب ڕێكا “هەژمارا من”دێ هێنەدان.
دهێتە زانین، نوكە 231 ئامیرێن ڕاکێشانا پارەی (ATM) ل سەرانسەری هەرێما کوردستانێ بەردەستن و حکومەتا هەرێما کوردستانێ دیاردكەت، هەتا دووماهییا سالا2024ـێ ژمارە دێ بیتە نێزیكی هزار ئامیرەیان.
ل دویڤ ئامارێن تیما پڕۆژەیێ “هەژمارا من”، هەتا نوكە زێدەتر ژ 400 هزار مووچەخۆرێن دامودەزگەهێن جودا یێن حکومەتا هەرێما کوردستانێ پشكداری د پڕۆژەیدا كرییە؛ ژ ئەوێ هژمارێ 200 هزار كەسان کارتێن بانکی وەرگرتینە.
