محەمەد عەبدوللا
ئەم دزانین کو هوین د کارێ خۆدا گەلەك د وەستیێن و هەر بڕیارەکا هوین بدەن ژی ژ بۆ پاراستن و بەرژەوەندییا خەلکێ مەیە، ب ڕاستی ژی ب دانانا هژمارا ڤان کامیرەیێن زۆر رویدان کێمکرینە، لێ دانانا ئەڤان کامیرەیان و ڤان جزایێن نە بەر ئاقل تاما بازرگانییێ و شەلاندنا خەلکی ژی ژێ دهێت، لەوما ڕوونکرنەك بۆ خەلکێ مە پێدڤێت و ئەم چاڤەڕێینە.
ب ڕاستی ژی ئەم تێناگەهین کا ئەڤ شۆفێرێن هوین و کامیرەیێن هەوە ل سەر جاددەیان جزا دکەن، ب چ قانوون و ب کیش بڕگەیێ دهێنە جزا کرن؟ چونکی، بۆ نموونە هەوە ل سەر جادەیەکێ یا نڤیسی کو شۆفێری مافێ هەی هەتا 60ێ ترۆمبێلێ بهاژۆت، ئانکۆ ئەڤە مافێ وییە، لێ هەکە شوفێری ترۆمبێل ل سەر 70ێ هاژۆت، هوین ب 70 هزار دیناران وی شوفێری جزا دکەن، بۆچی؟ چونکی شۆفێری ب تنێ 10 نمرە زێدەگاڤییا کری پێدڤییە هوین ب وان10 هزاران ب تنێ جزا بکەن 60ێن دی مافێ وینە، هندەك جزا ژی دبنە دووجارکی و سێجارکی، لەوما هیڤییە هوین بۆ خەلکی دیاربکەن کا ل دویڤ کیش قانوونێ و بڕگەیێن چەندێ و سالا چەندێ شۆفێران جزا دکەن؟ ئەم چاڤەڕێی بەرسڤا هه‌وه‌ینه.
