پەیڤدارێ دەستەیا گەشتوگوزارێ ل هەرێما کوردستانێ دیاركر، ژ پێخەمەت گرنگیدان و زێدەكرنا گەشتییاران بۆ هەرێما كوردستانێ، یاداشتنامەك دناڤبەرا كۆمپانییێن تایبەت یێن گەشتیاری ل كوردستانێ و ئیرانێ دا هاتە ئیمزاكرن.
ئیبراهیم عەبدولمەجید، پەیڤدارێ دەستەیا گەشتوگوزارێ ل هەرێما کوردستانێ ڕاگەهاند، د چارچووڤێ پلانا زێدەكرنا ئەو گەشتیارێن ژ دەرڤەیی عیراقێ دهێنە هەرێما كوردستانێ، بزاڤ دهێنەكرن پەیوەندی ب کۆمپانییێن گەشتیاری یێن وەلاتێن جیران و وەلاتێن دی یێن جیهانێ بهێتەكرن، بۆ هندێ ژمارەیا گەشتیاران بۆ هەرێما کوردستانێ بهێتە زێدەكرن.
ئیبراهیم عەبدولمەجید گۆت ژی، بۆ زێدەكرنا پەیوەندییێن گەشتیاری، كۆمەلا كۆمپانییێن گەشتیاری ل هەرێمێ كو ژمارەیا وان 30 كۆمپانی نە ل گەل كۆمپانییێن گەشتیاری یێن وەلاتێ ئیرانێ، یاداشتنامەك ئیمزاكر، د چارچۆڤێ هندێ كو ژمارەیا گەشتیاران ژ دەرڤەیی عیراقێ دهێن بۆ هەرێما كوردستانێ زێدە بكەن.
