ئاژانسا خانی:
بریکارێ وەزارەتا چاندنێ و ژێدهرێن ئاڤێ ل هەرێما کوردستانێ دیار كر: لژنهك ژ هەموو وەزارەتێن عێراقێ هاتییه پێکئینان بۆ دیارکرنا ڕێژا وەرگرتنا گەنمێ جۆتیارێن هەرێما کوردستانێ” ههتا نوكه حكومهتا عیراقێ رێژا وهرگرتنا گهنمێ جۆتیارێن ههرێما كوردستانێ دیار نهكرییه و مه ژی ههموو رێك و ئهو تشتێن حكومهیا عیراقێ ژ مه خواستین مه ل گهل خۆ برینه” داكو غهدر ل جۆتیارێن ههرێما كوردستانێ نههێته كرن” ههتا نوكه عێراقێ چ ئهنجامێن دووماهییێ نهداینه مه و ئهم یێ ل هیڤییا وان و پار حكومهتا عیراقێ 500 هزار تهنێن گهنمێ جۆتیارێن ههرێمێ وهرگرتبوو” ئهم ب هیڤینه ئهڤ ساله عێراق دێ پتر ژ پار وهرگریت.
کەریم سلێمان، زێدهتر بۆ ئاژانسا خانی دبێژیت، دوهی مه کۆمبوونەك ل گەل وەزیرێ چاندنا عێراقێ کر، پشتی هنگێ چووینە ناڤ کۆمبوونەكا دیتر و لژنەک هاتییه پێکئینان و 57 كهسن” ئهو لژنه ژ هەموو وەزارەتان هاتییه پێکئینان، کارێ وێ لژنێ ئەوە ڕێژا وەرگرتنا گەنمێ جۆتیارێن هەرێما کوردستانێ دەستنیشان بکهت”.
ناڤهاتی گۆت ژی: ژ دوهی وهره مه گهلهك دانوستاندن ل گهل وێ لژنا 57 كهسی و وەزارەتا چاندنێ كرینه، ئهم پێداگیرین ل سەر هندێ كو هەموو گەنمێ جۆتیارێن هەرێمێ بهێته وەرگرتن، كو ب رهنگهكێ دادپەروەر و یەکسان بیت، وەکو جۆتیارێن ههموو دهڤهرێن عێراقێ، ههر چهنهده ههتا نوكه نهگههشتینه ژ ئهنجامان” ههروهسا وان نڤیسارهك دایه محەمەد شیاع سوودانی، سەرۆکوەزیرێن عێراقێ ل دۆر بابهتێ وهرگرتنا گهنمێ جۆتیارێن ههریمێ، دیسا وەزارەتا چاندنا هەرێمێ یا پێداگیرە ل سهر هندێ كو پترین ڕێژا گەنمێ جۆتیارێن کوردستانێ بهێته وەرگرتن” ههر چهنده ههتا نوكه چ بڕیار ل سەر ئەوی بابەتی نههاتینه دان و د ههمان دهمدا ئهو ل گهل د. فوئاد حسێنی، جێگرێ سەرۆکوەزیران و وهزیرێ دهرڤهیێ عێراقێ کۆمبووینە و مه یاداشتنامهك دایه وی ل سهر بابهتێ جۆتیارێن ههرێما كوردستانێ، ئهو ب هیڤینه كو دانوستاندن و كۆمبوونێن وان ئەنجامهكێ باش هەبیت”.
