سهرۆكاتییا ههرێما كوردستانێ راگههاند، شاندێ بلندێ ههرێمێ كو دێ پشكدارییێ د بههییا ئیبراهیم رهئیسى و ههڤالێن وى دا كهت، ژ نێچيرڤان بارزانى، سهرۆكێ ههرێما كوردستانێ، مهسروور بارزانى، سهرۆكێ حكوومهتا ههرێما كوردستانێ، مستهفا سهيد قادر جێگرێ سهرۆكێ ههرێما كوردستانێ، قوباد تاڵهبانى، جێگرێ سهرۆكێ حكومهتا ههرێما كوردستانێ و ڕێبهر ئهحمهد وهزيرێ ناڤخۆ پێكدهێت.
ئێڤارا شهمبییا بۆرى 19ى گولانا 2024ێ ههلیكۆپتهرا ئیبراهیم ڕەئیسی، سەرۆککۆمارێ ئێرانێ و ههڤالێن وى ب ئهگهرا نهباشییا رهوشا سهقاى، ل سنورێ پارێزگهها تهڤرێزێ كهڤته خوارێ. پشتى 18 دهمژمێران، ههلیكۆپتهر ب تێكشكاندى هاته دیتن، میدیایێن فهرمى یێن ئیرانێ ژى راگههاند، سهرجهم سوارێن ههلیكۆپتهرێ كو 9 كهس بوون دناڤ دا سهرۆككۆمارێ ئیرانێ ئیبراهیم رهئیسى و وهزیرێ دهرڤه حسێن ئهمیر عهبدولاهییان ژیانا خۆ ژ دهستدایه.
