ڕێڤەبەرێ کۆچ و کۆچبەران ل دهۆکێ دیاركر: زێدەتر ژ 25 هزار خێزانان د ناڤ کامپێن ئاوارەیاندا هەنە و 37 هزار و 800 خێزانێن ئاوارە ژی ژ دەرڤەیی كەمپاندا دژین.
پیر دەیان پیر جەعفەر، ڕێڤەبەرێ کۆچ و کۆچبەران ل پارێزگەها دهۆکێ ڕاگەهاند،20 کەمپێن ئاوارەیان ل سنوورێ پارێزگەها دهۆکێ و ئیدارەیا سەربەخۆیا زاخۆ هەنە کو 15 ژوان تایبەتن ب ئاوارەیێن ناڤخۆ و 5ـێن دی تایبەتن ب پەنابەرێن ڕۆژئاڤایێ كوردستانێ.
پیردەیان پیر جەعفەر گوت، ژ دەستپێكا ئەڤ سالە هەتا نوكە زێدەتر ژ 500 خێزانان ڤەگەڕیاینە شنگالێ و پڕۆسەیا ڤەگەڕیانێ ژی یا بەردەوامە.
ل دویڤ بڕیارا وەزارەتا كۆچ و كۆچبەرێن عیراقێ، دڤێت هەتا 30-07-2024، هەمی کامپێن هەرێما کوردستانێ بهێنە چۆلكرن و ئاوارە ژی پشتی وەرگرتنا قەرەبوویان ڤەگەڕنە جهێن خۆ.
