پەیڤدارێ حکومەتا هەرێما کوردستانێ دیاركر، پاشئێخستنا هنارتنا مووچەیێ پێشمەرگەی و هێزێن ئێمناهیێ كارەكێ ستەمە و پێدڤییە هەتا نوكە دوو مووچە وەرگرتبان.
پێشەوا هەورامانی، پەیڤدارێ حکومەتا هەرێما کوردستانێ ڕاگەهاند، وەلاتییێن هەرێما كوردستانێ پشتڕاست دكەین، ئەوا دەستووری دیاركری مە یا بجهئینای و چ ئاستەنگ ژ لایێ حكومەتا هەرێما كوردستانێ ڤە نینە د بابەتێ مووچەیی دا، هەتا نوكە ئەم چاڤەڕێ هنارتنا مووچەیێ هێزێن ئێمناهیێ و مووچەیێ هەیڤا پێنج یێن مووچەخۆرێن هەرێما كوردستانێ نە.
پەیڤدارێ حکومەتا هەرێما کوردستانێ دیاركر، كۆمبوونێن سەرۆكوەزیرێن هەرێمێ ل گەل بەرپرسێن بەغدا لێكتێگەهشتنەكا باش هەبوو، سەرۆكوەزیرێن هەرێمێ دووپات ل هندێ دكر كو نابیت مافێ وەلاتییێن هەرێمێ بهێتە پێشیل كرن و بابەتێ مووچەیی تێكەلی بابەتێ سیاسی بهێتەكرن.
