نازم ئەتروشی، رێڤەبەرێ سایلۆیان ل ھەرێما کوردستانێ دیار كر: وان وەکو وەزارەتا بازرگانییا حکومەتا ھەرێما کوردستانێ ئامادەکارییێن ته‌مام کرینە بۆ دەستپێکرنا وەرگرتنا گەنمێ جۆتیاران، ناڤێن جۆتیاران ژ وەزاەرتا چاندنا حکومەتا ھەرێمێ گەهشتینه وان دێ ڕەوانەیی بەغدا كه‌ن، داكو ڕەزامەندی ل سەر بهێته‌دان و بهێنه پەسەند كرن، ل وی ده‌می سایلۆیێن ھەرێما کوردستانێ دێ دەست ب وەرگرتنا گەنمی كه‌ن” هه‌روه‌سا ئه‌ڤ ساله 700 هزار ته‌نێن گه‌نمی دێ ژ جۆتیاران هێنه وه‌رگرتن” كو ١٨٩ھزار تەن بۆ دھۆکێ، ٢٢٨ھزار تەن بۆ ھەولێرێ و ٢٨٢ھزار تەن بۆ سلێمانییێ، ژ ھەر جۆتیاره‌کێ ٢٧%ی گەنم دێ ژێ هێته وه‌رگرتن.
ناڤهاتی گۆت ژی: گەنم دێ لدووڤ پاقژییێ و جۆرێ وی ژ جۆتیاران هێته وەرگرتن، چەند دێ پاقژبیت گرانتر دێ هێته نرخاندن و ھەموو جۆرە گەنمی ژی وەرناگرن، ھەر ئێک دێ ب جۆره‌كێ بیت، ئەگەر یێ پاقژ نه‌بیت وەرناگرن، لدووڤ ڕێنماییێن دیارکر دێ گەنمی وەرگرن و بها دێ بۆ هێته دیارکرن، بۆ ھەر تەنه‌كا گەنمێ نمرە ئێک هه‌تا ٨٢٥ ھزار دینار هاتینه دیارکرن.
ئه‌و ژی دیار كر: ئەڤ ساله ل ھەرێما کوردستانێ ل دھۆکێ ل سایلۆیا فه‌ییدییێ، شێخان و زاخۆ، ل ھەولێرێ ل سایلۆیا ھەولێر و قوشتەپە، ل سلێمانیێ ل سایلۆیا ڕانیە، پیرە مەگرون، سەیدسادق، چەمچەمال و ڕەنگە کەلار ژی وەکو بنگه‌هـ، ل ھەله‌بجه ژی ل بنگەهەکی گەنم بهێته وه‌رگرتن و ب گشتی ل ١١ سایلۆ و جهان گەنم دێ هێته وەرگرتن.
