لدویڤ چەند ژێدەران ژ كۆمپانییێن پەتڕۆلێ، سوبەهی ڕۆژا ئێكشەمبی كۆمبوونەكا سێقولی دناڤبەرا حكومەتا عیراقێ، حكومەتا هەرێمێ و كۆمپانییێن پەتڕۆلێ ل بەغدا بۆ گوتوبێژكرنا پرسا هنارتنا پەتڕۆلا كوردستانێ ب ڕێیا بوڕییێ، دێ هێتە ئەنجامدان.
پشتی كو حەفتییا بووری كۆمپانییێن پەتڕۆلێ داخاز ژ وەزارەتا پەتڕۆلا عیراقێ كری كۆمبوونەكا سێقوولی ل گەل حكومەتا عیراقێ و حكومەتا هەرێمێ ئەنجامبدەن بۆ گوتوبێژكرنا مافێن دارایی، وەزارەتا پەتڕۆلا عیراقێ ب ئەرێنی بەرسڤا وان دا.
ئەڤ كۆمبوونە پشتی سالەك و دوو هەیڤا ژ ڕاگرتنا هنارتنا پەتڕۆلا هەرێمێ بۆ بەندەرێ جەیهان دهێت كو زیانا ب ملیاران دۆلاران ل ئابوورێ عیراقێ و هەرێمێ و كۆمپانییێن نێڤدەولەتی دایە.
