ئێڤارییا دوهی ڕۆژا ئەیینی، شاندەکێ دیوانا چاڤدێرییا عیراقێ ب مەرەما هویربینیكرنێ ل داهات و خەرجییێن پەتڕۆل و نا پەتڕۆل یێن سێ هەیڤێن بووری یێن هەرێمێ و لیستا مووچەیێ هێزێن ئەمنی و فەرمانبەرێن هەرێمێ، گەهشتە هەولێرێ.
لدویڤ زانیارییان، حکومەت و دیوانا چاڤدێرییا هەرێمێ داخازكریە ئەو شاندە ل دەستپێكێ هویربینییێ د لیستا مووچەیێ هێزێن ئەمنی یێن هەرێمێ دا بكەت، ژبەركو دەمێ زێدەتری دوو هەیڤایە بەغدا مووچەیێ وان نە هنارتییە.
بڕیارە ڤێ حەفتییێ شاندەكێ حکومەتا هەرێمێ بۆ چارەسەکرنا ڕیشەیی یا کێشەیا مووچەیێ وەزارەتێن پێشمەرگە و هێزێن ئەمنی یێن کوردستانێ، سەرەدانا بەغدا بکەت و ل گەل شاندەکێ وەزارەتا دارایی یا عیراقێ کۆمبیت.
