د كۆمبوونا شاندێ كۆمپانییێن نەفتێ و هەرێما كوردستانێ ل گەل وەزارەتا نەفتا عیراقێ، بابەتێ بهایێ تێچوویا نەفتێ هاتە گوتۆبێژكرن و ئەو سكالا ژی دێ هێنە ئێكلاكرن كو بەغدا ل دژی كۆمپانییان تۆمار كرین.
عاسم جیهاد، پەیڤدارێ وەزارەتا نەفتا عیراقێ ڕاگەهاند، شاندێ هەردوو حکومەتێن عیراق و هەرێما کوردستانێ ل گەل کۆمپانییان ل كۆمبوونا 9ـێ خزیرانێ دانوستاندن ل دۆر بهایێ تێچوویا نەفتێ هاتەكرن، ل دویڤ ئەوا د خشتەىێ بودجەیێ گشتییێ 2024ـێ هاتیە دیاركرن.
د خشتەىێ بودجەیدا، 2.7 تریلیۆن دینار ل سەر خەرجییا وەبەرهێنانا پشکا بودجەیا هەرێما کوردستانێ هاتییە دیاركرن بۆ تێچوویا دەرهێنانا نەفتێ، کو 12.5 دۆلار بۆ بەرهەمئینانا بەرمیلەكا نەفتێ، بێ کرێیا ڤەگوهاستنێ، د دەمەكیدا کۆمپانییێن نەفتێ زێدەتر ژ 24 دۆلاران پێدڤییە.
ل دویڤ زانیاریان؛ هەردوولا پێشنیازێن خۆ ل دۆر بهایێ تێچوویا دەرئینانا نەفتێ ئامادە دکەن، پشتی ڕێککەفتنێ، لژنەیێن هونەرییێن هەڤپشك دناڤبەرا هەولێر و بەغدا ب گرێبەستێن نەفتێ یێن کۆمپانییان دێ چن بۆ گونجاندنێ ل گەل ئەو بهایێ ل سەر ڕێكدكەڤن.
