لژنا کارەبێ و وزەیا پەرلەمانێ عێراقێ ڕاگەهاند، کێشا کارەبێ ل عێراقێ چارەسەر نابیت هه‌تا ل وی ده‌مێ بەرهەمهێنانا مه کێمتر بیت ژ ئاستێ خواستا ڕاستەقینە و گۆت ژی، نێزیکی 14 هزار مێگاوات کورتهێنان هەیە.
جێگرێ سەرۆکێ وێ لژنێ، وەلید سەهلانی دیار كر، نوكه بەرهەمهێنانا کارەبا مه دناڤبه‌را 24 بۆ 25 هزار مێگاواتانە، د ده‌مه‌كی دا مه پێدڤی ب 40 هزار مێگاواتان هەیە، بۆ هندێ ب ته‌مامی کێشا کارەبێ چارەسەر بکەین.
ناڤهاتی گۆت ژی: مه کێشەكا بنەڕەتی هەیە کو هەموو هاڤینان ڕوودده‌ت، ئەو ژی پەیوەندی ب گیروكرنا کارێن سه‌خبێرییێ هەیە، “چارەسەرکرنا قەیرانا کارەبێ پێدڤی ب گرێبەستکرنێیە ل گەل کۆمپانییان بۆ زێده‌کرنا 14 هزار مێگاواتان”، ڤێ چه‌ندێ دو سال پێ دڤێن.
