<h2 style="text-align: justify;"><span style="font-size: 18pt;">ڕۆژا 9ی خزیرانێ، كۆمبوونا سێقوولی یا دناڤبەرا شاندێ حكومەتا هەرێمێ، وەزارەتا پەتڕۆلا عیراقێ و كۆمپانییێن نێڤدەولەتی یێن بوارێ پەتڕۆلێ هاتەكرن ل دۆر وێ كۆمبوونێ حەیان عەبدولغەنی، وەزیرێ پەتڕۆلا عیراقێ ئاشكەراكر، ئەو پێشبینییێ دكەن د چەند ڕۆژێن بهێت دا بگەهنە ڕێككەفتنێ.</span></h2> <h2 style="text-align: justify;"><span style="font-size: 18pt;">ئارمانج ژ کۆمبوونا سێقوولی ل بەغدا دانانا میکانزمەكا چارەسەركرنێ بوو بۆ دەستپێکرنا هنارتنا پەتڕۆلا هەرێمێ ب ڕێیا بۆڕییا پەتڕۆلا عیراق – توركیا. حەیان عەبدولغەنی، وزیرێ پەتڕۆلا عیراقێ د چاڤپێكەفتنەكێ دا ل گەل كەنالێ عیراقییە، ب گەشبینیڤە بەحس ل وێ كۆمبوونێ كر و ڕاگەهاند، بەرەڤپێشچوون د گوتوبێژان دا هەیە و ئەو پێشبینییێ دکەن ل چەند ڕۆژێن بهێت بگەهنە ڕێككەفتنێ. </span> <span style="font-size: 18pt;">هەناردەكرنا پەتڕۆلا هەرێمێ ب ڕێیا بۆڕییا عیراق - تورکیا ل 25 ئادارا 2023 هاتییە ڕاگرتن و بوویە ئەگەر هەتا نوكە زێدەتر ژ 17 ملیار دۆلاران زیان ب داهاتێ عیراقێ و هەرێمێ گەهشتییە.</span></h2>
