بەرگرییا باژێرڤانییا هەرێمێ 14 ڕێنماییێن تایبەت ب وەرزێ هاڤینێ و خۆدویركرن ژ ڕوودانان بەلاڤكر.
ڕێنماییێن تایبەت ب وەرزێ هاڤینێ؛
_ پێدڤییە بتلێن ئاڤێ و ڤەخوارنێن گازی، گولاڤ و پاترییێن ئامیرەیان ب گشتی تێدت نەبن و پێدڤییە ژی جامێن ترۆمبێلان پیچەك د ڤەكری بن.
_ پێدڤییە گەلەك ئاڤ بهێتە ڤەخوارن.
_ نابیت بتلێن گازی ل بەر ڕۆژێ بهێنە دانان.
_ نابیت فێنكەرێن مالێ ل وان ژوورا بهێنە هەلكرن یێن كەس لێ نەبیت.
_ بكارنەئینانا پلاكێن كارەبایی یێن خراب و كوالێتییا نزم.
_ زێدە ژ یا پێدڤی زەحمەتێ نەئێخنە سەر واهێرێن كارەبێ، باشترە هەر پلاكەكی ئێك ئامیرە ل سەر بیت.
_ خۆدویركرن ژ تیشكا ڕاستەوخۆ یا ڕۆژێ، ب تایبەت ل دەمژمێر 11ـێ سپێدێ هەتا سێ نیڤرۆ.
_ نابیت ل جهێن نەپاراستی و پێشتر مەلەڤانی لێ نەهاتبنە كرن، مەلەڤانییا بكەی.
_ دابینكرنا هەمی پێدڤییێن پارێزگارییێ ل مەلەڤانگەهان و پێدانا ڕێنمایان ژ لایێ ڕێبەرانڤە.
_ بكارئینانا شەمسییێ بۆ هندێ تیشكا ڕۆژێ ڕاستەوخۆ ب سەری نەكەڤیت.
_ بەردەوام دار و باخچە بهێنە ئاڤدان بۆ پاراستنا باخچان.
_ هەلكرنا نافۆرێن ئاڤێ ل باخچێن گشتی بۆ هینكرنا سەقایی.
_ چاندنا دارێن بەردەوام د كەسك بۆ هندێ بەردەوام سیبەر هەبیت.
_ پێدڤییە د هەر ڕەوشەكا نەچاڤەڕێكریدا پەیوەندییێ ب 115، ژمارا بەرەڤانییا باژێری بهێتەكرن.
