وەزارەتا ئاڤەدانكرن و ئاكنجیكرنێ دیار كر، ل كابینا نه‌هێ یا حكومەتا هەرێما كوردستانێ دا، 440 پڕۆژە ب تێچوویێ 912 ملیار و 132 ملیۆن دیناران هاتینه بجهئینان.
د. ئاگرین عەبدوللا، بریكارێ وەزارەتا ئاڤەدانكرن و ئاكنجیكرنێ ل حكومەتا هەرێما كوردستانێ دبێژیت: د چار سالێن ژییێ كابییا نه‌هێ یا حكومەتا هەرێما كوردستانێ دا ل سەر بودجەیێ وەبەرهێنانێ 65 پڕۆژێن مه‌زن یێن رێك و پرا دروستكرینە و ئەو 65 پڕۆژێن رێك و پرا ب درێژاهییا هزار و 295 كیلۆمەتران بوویە و ب تێچوویێ 883 ملیار دیناران هاتییه چێكرن، بۆ نموونە، ڕێیا جۆتسایدێ دناڤبه‌را هەولێر و دهۆكێ دا، چەندین تۆنێلێن مه‌زنه هاتینه چێكرن، وەكو تونێلا پیرمام و ب دەهان پڕۆژێن بچووك و ناڤنجی هاتینه چێكرن.
ئاگرین عەبدوللا دبێژیت ژی: 184 پڕۆژێن بچووك و ناڤنجی، ب تێچوویێ 17 ملیار و 150 ملیۆن دیناران، ل سەر بودجێ وێستگەهێن كێش ژی 191 پڕۆژە ب تێچوویێ 11 ملیار و 980 ملیۆن دیناران هاتینه چێكرن.
هێشتا دبێژیت: ب شێوەكێ گشتی، وەزارەتا ئاڤەدانكرن و ئاكنجیكرنێ د كابینا نه‌هێ یا حكومەتا هەرێما كوردستان دا، 440 پڕۆژه ب تێچوویێ 912 ملیار و 132 ملیۆن دیناران چێكرینه.
