بنگه‌هێ لالش یێ ره‌وشه‌نبیرى و كۆمه‌لایه‌تى په‌یامه‌ك به‌لاڤكر راگه‌هاند، لێڤەگەرێن مە یێن ئاینی، دنیایی و هەموو ژێدەرێن دیرۆكی یێن جهێن باوەرییێ تەكەزیێ دكەن كو ئێزدیاتی ئێكەم سەركانییا كوردایەتیێ ئاڤ ژێ ڤەخواری و هەردو دو گیانن د لەشەكی دا و زێدەباری هەڤپشكیا مە ل گەل برایێن مە ژ ئاینێن دی یێن كوردستانێ د دیرۆك، جوگرافییێ، كەلتۆر و زمانی دا، هەروەسان پەرستگەها سەرەكی یا ئۆلا مە ئەوژی پەرستگەها پیرۆزا لالشە دكەڤیتە دناڤ جەرگێ كوردستانێ دا.
بنگه‌هێ لالش یێ ره‌وشه‌نبیرى و كۆمه‌لایه‌تى په‌یامه‌ك به‌لاڤكر و راگه‌هاند، ژ دەستپێكا دامەزراندنا دەولەتا ئیراقێ نەخاسمە ل سالێن شێستان ژ سەدەیێ بۆری گەلەك ئالییان بۆ مەرەمێن سیاسی یێن ڤەشارتی هەول ددەن ئێزدیان كو پشكەكا رەسەنن ژ مللەتێ کورد ژ رێ وریشالێن وان یێن دیرۆکی ببڕن.
هه‌روه‌سا دیاركر، ئۆلا ئێزیدی یا دێرین ژ ئێكەمێن ئۆلایە كو مللەتێ كورد باوەرییا خۆ پێ ئینایە و سەرەرای كارەساتێن دەم و دەۆرانە و ئەو زولم و زۆردارییا ل مە هاتییە كرن ژ دەستپێكێن دیرۆكێ تا رۆژا ئیرۆ، لێ مە كارییە كلتۆرێ خۆ یێ روحی و رەسانەیەتییا رەگەزێ خۆ ب پارێزین، و هەموو تێكستێن پیرۆز یێن ئۆلا مە و درۆزە و رێ و رەسم ب زمانێ كوردی دهێنه گۆتن ب هەمان شێوەیێ ئۆلێن كوردستانێ یێن كەڤنار دهێنه گێران.
د په‌یاما خۆ دا ئاشكراكریه، لێڤەگەرێن مە یێن ئاینی و دنیایی و هەموو ژێدەرێن دیرۆكی یێن جهێن باوەرییێ تەكەزیێ دكەن كو ئێزدیاتی ئێكەم سەركانییا كوردایەتیێ ئاڤ ژێ ڤەخواری و هەر دو دو گیانن د لەشەكی دا، زێدەباری هەڤپشكییا مە ل گەل برایێن مە ژ ئاینێن دی یێن كوردستانێ د دیرۆك، جوگرافییێ، كەلتۆر و زمانی دا، هەروەسا پەرستگەها سەرەكی یا ئۆلا مە ئەوژی پەرستگەها پیرۆزا لالشە دكەڤیتە دناڤ جەرگێ كوردستانێ دا.
بنگه‌هێ لالش دبێژیت: لەوما ئەم وەكو بنگەهێ لالش یێ رەوشەنبیری و كۆمەلایەتی دبینین كو كاركرن ل دان پێدانێ ب جێنۆسایدا ئێزدییان ژ ئالیێ دادگەها تاوانا یا نیڤ دەولەتی ڤە ژبۆ جێبەجێكرنا دادپەروەریێ و سزادانا تاوانبارا و قەرەبووكرنا قوربانییان و ئاڤەدانكرنا دەڤەرێن ئێزدیان نەخاسمە شنگالا بریندار دگەل ئاساییكرنا رەوشا وێ دوور ژ هەڤركیێن سیاسی و دیاردەیێن چەكداری دڤێت ژ كارێ مە هەمووا یێن پێشین بن دوور ژ هەر تشتێ برینێن مە كوورتر بكه‌ت ل شوونا كو دەرمان بكه‌ت.
هه‌ر د په‌یاما بنگه‌هێ لالش دا هاتییه هەروەها ئەم بانگەوازییا خۆ دگەهیننە هەموو ئالیێن ئێزدی ب ئارستەیێن خۆ یێن هزری و سیاسی یێن جودا جودا ڤە كو ئەم پێكڤە تفاق و تەباییا خۆ كۆكتر بكەین دەربارەی هەر بابەتەكێ گرێدایی ب جڤاكی مە ڤە و دگەل خورتكرنا پەیوەندیێن برایانە ل گەل هەموو پێكهاتێن كوردستانێ و ئیراقێ ژبۆ خێرا مە هەموویان.
ل دوماهیێ داخواز ژ حكومەتێن فیدرال و هەرێما كوردستانێ كر كە هەموو مافێن پێكهاتا ئێزدی بهێنە زامنكرن و ئێزدیان پشكدار بكه‌ن د هەموو جۆمگێن سیاسی و ئیدارەكرنا دەولەتێ دا ئەو ژی ل پەی پرەنسیپێن دادپەروەرییا جڤاكی یێن داكۆكیێ ل وەكهەڤییا هەموو پێكهاتان دكەن ل ماف و ئەركان بێ جوداهى.
