مهسرور بارزانى سهرۆكێ حكومهتا ههرێما كوردستانێ پێشوازى ل هانس ساندى بالیۆزێ هۆلهندا ل عیراقێ كر، كو ناڤبرى ب مهرهما خاتر خواستنێ و ب دووماهى هاتنا ئهركێ خوه سهرهدانا سهرۆكێ حكومهتێ كر.
مهسرور بارزانى سوپاسییا بالیۆزێ هۆلهندا كر بۆ بزاڤ كاركرنا وى ژ پێخهمهت گهشهپێدانا زێدهتر یا پهیوهندییێن دوو لایانه، ههرهسا سوپاسى و پێزانین بۆ پشتهڤانییا بهردهواما هۆلهندا د شهرێ ڕووبڕووبوونا تیرۆرستێن داعشێدا و پشتهڤانیكرنا چاكسازییێن حكومهتا ههرێمێ دبوارێ ههمهجۆركرنا ئابوورى ب تایبهتى د كهرتێ چاندنێدا پێشكێشكرن، هیڤییا سهركهڤتنێ دئهركێ بهێتدا بۆ خواست.
بالیۆزێ هۆلهندا ژى ئاماژه ب پهیوهندییێن ب هێز یێن دناڤبهرا ههرێما كوردستانێ و هۆلهندا دا كر، كو ڕێژهیا ئالۆگۆرا بازرگانى دناڤبهرا ههردوو وهلاتاندا دوو جاركى زێدهبوویه، حهزا وهلاتێ خۆژى بۆ پتر پێشڤهبرنا پهیوهندییان دگهل حكومهتا ههرێما كوردستانێ دووپاتكر.
