كۆمسیۆنا بلندا سەربەخۆ یا هەلبژارتنێن عیراقێ ڕاگەهاند، د شیانێن وان دا نینە ل 5 ئەیلوولا ئەڤسالە هەلبژارتنێن پەڕلەمانێ كوردستانێ ب ڕێڤە ببەن.
جومانە غەلای، پەیڤدارا كۆمسیۆنا بلندا سەربەخۆ یا هەلبژارتنێن عیراقێ دیار ژی كر، ” کۆمسیۆنێ پێشنیازا ڕۆژا 5ـی هەیڤا 9 بۆ سەرۆکایەتییا هەرێمێ کوردستانێ کربوو بۆ ئەنجامدانا هەلبژارتنێن پەڕلەمانێ کوردستانێ و هەتا نوكە چاڤەڕێی مەرسووما سەرۆکایەتییا هەرێمێ نە بۆ دیاریکرنا ڕۆژا هەلبژارتنان. “
گوت ژی: ” ئەنجامدانا هەلبژارتنان ل 5 ئەیلوولێ ئەستەمە و ئەم نەشێین د وی دەمی دا هەلبژارتنان بڕێڤە ببەین. ئەو دەمە هەیڤەكێ بەری نوكە هاتە دیاركرن و كۆمسیۆن ل سەر بنەمایێ دیاركرنا وادەیێ هەلبژارتنان كارێن خۆ دیاردكەت، هەر ڕۆژەكا بهێتە پاشخستن كارتێكرنێ دكەتە سەر كارێن كۆمسیۆنێ و هەلبژارتنێن پەڕلەمانێ كوردستانێ. “
ئاماژە كر، ئەو چاڤەڕێی سەرۆكاتییا هەرێما كوردستانێ دكەن مەرسوومی بۆ دیاركرنا وادەیێ نوی یێ هەلبژارتنان دەربكەت.
