ئاوات شێخ جەناب، وەزیرێ دارایی و ئابووری یێ هەرێمێ ل گەل تیما سەرپەرشتییار یا پڕۆژێ هەژمارا من کۆمبوو و ڕاگەهاند، جێبەجێکرنا پڕۆژەی پێنگاڤەكا گرنگە بۆ ڕویبڕویبوونا گەندەلییێ و نەهێلانا دووموچەیی و خۆدزینێ ژ باجێ و چەندین خزمەتگوزارییێن دارایی و بانکی پێشکێشی فەرمانبەران و مووچەخۆران کەت.
پڕۆسەیا تۆمارکرنا فەرمانبەران د پڕۆژێ هەژمارا من دا ل سەرتاسەری هەرێما کوردستانێ ب ڕێیا هەشت بانکێن حکومی و ناحکومی یا بەردەوامە، کو هەمی ژلایێ بانکا ناڤەندا یا عیراقێ ڤە باوەرپێكری نە و ڕازەمەندییا پشكدارییێ د پڕۆژێ هەژمارا من دا پێ هاتییەدان.
وەزیرێ دارایی بڕیار دا کارئاسانییێن زێدەتر بۆ تیمان بهێنەكرن داكو پرۆسە بلەزتر بهێتەكرن و پێش دەمێ هاتییە دیاركرن هەمی مووچەخۆر ببنە خۆدان هەژمارا خۆ یا بانكی و بڕیار هاتەدان مۆلەت هەتا هەیڤا ئەیلولا ئەڤسالە ب فەرمانبەرێن مەدەنی و هێزێن پێشمەرگەی ل لیوایێن هەڤپشك بهێتەدان ل پارێزگەها هەولێرێ كو تا نوكە خۆ د پڕۆژەی دا تۆمارنەكریە.
د پشكەكا دی دا تیما سەرپەرشتییار یا پڕۆژێ هەژمارا من، دوماهی ئامارێن پڕۆژەی دیاركرن و ڕاگەهان، هەتا نوكە زێدەتری 400 هزار فەرمانبەران ل سەرتاسەری هەرێما كوردستانێ د پڕۆژەی دا هاتینە تۆماركرن و نێزیكی 240 هزار كارتێن بانكی ژی هاتینە دابەشكرن، د ڤێ هەیڤێ دا زێدەتر ژ 50 هزار مووچەخۆران ب شێوەیێ دیجیتالی مووچە وەرگرتییە و هەیڤێن بهێت ئەڤ ڕێژە دێ بۆ دوو هندە زێدەبیت.
