ئەڤرۆ شاندەکێ هەڤپشکێ وەزارەتێن ناڤخۆ و دارایی یێن سەرەدانا بەغدا دکەت ودێ دگەل تیمەکێ حکومەتا عیراقێ کۆمبن بۆ گۆتوبێژکرن وڕێککەڤتنێ ل سەر چەند پرسان، ئێک ژ وانژی مووچەیێ هێزێن ئەمنی یێن هەرێما کوردستانێ یە.
بڕیارە ئێڤارییا ئەڤرۆ شاندەکێ هەڤپشک یێ وەزارتا ناڤخۆ ب سەرۆکایەتییا ڕێبەر ئەحمەد و شاندێ وەزارەتا دارایی ب سەرۆکایەتییا ئاوات شێخ جەناب دگەل لژنەیەکا تایبەت یا ترانزێت بگەهنە بەغدا.
دهێتە زانین، شاندێ هەردوو وەزارەتێن ناڤهاتی یێن هەرێما کوردستانێ دێ بۆ چارەکرنا ئاریشەیا مووچەیێ هێزێن ئەمنی دگەل حکومەتا عیراقێ کۆممبیت، تیم پێکهاتیە ژ: محەمەد تەمیمی، جێگرێ سەرۆکوەزیران و وەزیرێ پلاندانانا عیراقێ، بەنگین ڕێکانی، وەزیرێ ئاڤەدانکرن و ئاکنجیکرنێ و چەند بەرپرسێن دی.
