وەزارەتا خواندنا بلند و ڤه‌كۆلینێن زانستی یا حکومەتا هەرێما کوردستانێ دیار كر، بۆ سالا بهێت دێ داشکاندنێ د کرێیا خواندنێ دا کەن، هه‌ڤده‌م ئامادەکاری و پلانێن وەرگرتنا دەرچوویێن پۆلا 12 ێ ئامادەیی ل زانکۆ و پەیمانگەهێن حکومی یێن هەرێما کوردستانێ بۆ سالا نوو یا خواندنا (2024-2025) ێ و پرۆسا ڤه‌گوهاستن و داكه‌فتنێ دناڤبه‌را زانکۆیان، د وێ کۆمبوونێدا هاتنه به‌حسكرن.
ئه‌ڤرۆ دوشه‌مبی ب سه‌رپه‌رشتییا ئارام محەمەد قادر وەزیرێ خواندنا بلند و ڤه‌كۆلینێن زانستی و ب ئامادەبوونا رێڤەبەرێ گشتییێ خواندن و پلاندانان و دووڤچوون و رێڤەبەرێ گشتییێ کارگێڕى و دارایى، کۆمبوونه‌ک ل گەڵ هاریكارێن سەرۆک زانکۆیان و رێڤەبەرێن تۆمارا سەرجەم زانکۆیێن حکومی یێن هەرێما کوردستانێ هاته كرن.
