ڤه‌كۆلینه‌ك: خوارنا ساخله‌م، مرۆڤى ژ نه‌خۆشییا شه‌كرێ دپارێزیت

ڤه‌كۆلینه‌كا نوو ل فینله‌ندا پشتراستكر، خوارنا ساخله‌م مه‌ترسییا تووشبوون ب نه‌خۆشییا شه‌كرێ كێم دكه‌ت، ڤه‌كۆلین ل زانكۆیا ئێستێرن ل فینله‌ندا ل سه‌ر 600 خۆبه‌خشان هاته‌ كرن و ده‌ركه‌ڤت، هه‌ر كه‌سه‌كێ سێ دانێن خوارنێ یێن ساخله‌م بخۆت، دێ شه‌كرا خوینا وى هێته‌ كونترۆلكرن، مه‌ترسییا تووشبوونا وى ب نه‌خۆشییا شه‌كرا ژ جۆرێ دووێ ژى كێم بیت.
ل دووڤ كۆمه‌لا شه‌كرێ یا ئه‌مریكى ئه‌ڤ ڕێیه‌ بۆ خۆ دووركرن ژ نه‌خۆشییا شه‌كرێ د گونجاینه‌:
– ڕێكوپێكییا له‌شى
– كێمكرنا فشارێن ده‌روونى و دلگرانییێ
– خوارنا ساخله‌م، كێمكرنا كاربۆهیدرات و خوارنێن بله‌ز
– ڕێكخستنا ده‌مێ نڤستنێ
– دووركه‌ڤتن ژ جگاره‌ و نارگیله‌ و كحولییاتان
– سپۆر و لڤینا ڕۆژانه‌
– ڤه‌خوارنا ڕێژه‌یه‌كا مه‌زن یا ئاڤێ

نۆشدار شیره‌تێ ل وان كه‌سان دكه‌ن یێن نه‌خۆشییا شه‌كرێ هه‌یى خۆ ژ ڤان خوارنان دووربكه‌ن:
– نانێ سپى
– برنجا سپى
– ماكارۆنا سپى
– پتات
– شووتى و گوندۆر
– ئه‌نه‌ناس
– دووهنێ تیر وه‌كو ئه‌وێ دناڤ گوشتێ سووردا هه‌ى