پشتی نیڤرۆ یا ئەڤرۆ ڕوژا چارشەمبی 3 تەمموزا2024، ل باژێرێ بەغدا سەرۆک مەسعود بارزانی پێشوازی ل ستیڤن هیتچن باڵیۆزێ بریتانیا ل عیراقێ کر.
د دیدارەکێدا سەرۆک بارزانی سەرەڕای ئاماژەکرن ب ئاریشەیێن دناڤبەرا هەرێما کوردستانێ و عیراقا فیدڕال دا ل سالێن بووری، ئەگەرێن سەرەدانا خۆ بۆ بەغدا و کۆمبوونێن دگەل لایەنێن سیاسی شرۆڤەکر.
د پشکەکا دی یا دیدارێ دا باڵیۆزێ بریتانیا ل عیراقێ پشتەڤانییا وەلاتێ خۆ بۆ سەرەدانا سەرۆک بارزانی بۆ بەغدا و باشتربوونا پەیوەندییێن دناڤبەرا هەرێما کوردستانی و عیراقا فیدرال دا ڕاگەهاند و باس ل ئەوێ چەندێ ژی کر کو بریتانیا د هەمی ڕەوشەکێدا ب گرنگیڤە بەرێخودانێ بۆ عیراق و هەرێما کوردستانێ دکەت ب تایبەت ژی دەربارەی بابەتێن ئابووری و گەفێن تیرۆرێ و دیاردەیا کۆچبەرییێ.
بجهئینانا ڕێککەڤتنا شنگالێ و هەلبژارتنێن هەرێمێ و بابەتێ مانەڤەیا هێزێن هەڤپەیمانان و پەیوەندییێن دوو قۆلی و چەند تەوەرێن دی بابەتێ کۆمبوونێ بوون.
