<h3></h3> <h3></h3> <h3>جێگرێ سەرۆکێ پەرلەمانێ عێراقێ دیار كر: سەرهدانا سەرۆک بارزانی بۆ بەغدا، لایەنێن ناکۆک نێزیكی ئێك كرن و گەهشتنە تێگەهشتنهكا ههڤپشك ل سەر بنەمایێ ئەوان پێشنیارێن سەرۆک بارزانی بۆ وان بهرچاڤ كرین.</h3> <h3></h3> <h3>شاخەوان عەبدوللا" جێگرێ سەرۆکێ پەرلەمانێ عێراقێ و ئەندامێ کۆمیتا ناڤینا پارتی دیموکراتی کوردستان" دهربارەیی گرنگی و کاریگەرییێن سەرهدانا سەرۆک بارزانی بۆ بەغدا، دیار كر، ههیاما چەند سالایه بەردەوام هێزێن سیاسی و هەردو حکومەتێن کازمی و حکومەتا نوكه یا محەمەد شیاع سودانی و هێزێن ههڤپەیمانییا ئیدارا دەوڵەتێ، داخوازنامهكا فەرمی ئاراستەیی سەرۆک بارزانی کرییە بۆ هندێ سەرهدانا بەغدا بکهت، بەلێ ژبهر نیگەرانییێن سەرۆک بارزانی ژ شێوازێ برێڤەبرنا دەوڵەتێ و بنپێکرنا مافێن خەڵکێ کوردستانێ بەردەوام ئەو داخوازنامه ڕەتکرییە، پشتی شەش سالان و پشتی دروستبوونا سهقایهكێ ئەرێنی دناڤبهرا هەردو حکومەتان و هندهك گاڤێن كریاری بۆ چارەسەرکرنا کێشهیان، سەرۆک بارزانی ئهو داخوازنامه قەبوولکردبۆ هندێ سەرهدانا بەغدا بکهت وەک پشتهڤانییهك بۆ ئەوان پێنگاڤان و بەرەف پێشبرنا وان ، لهوما سەرۆک بارزانی بڕیار دا رۆژا 3ـی تەمووزێ سەرهدانا بەغدا بکهت.</h3>
