<h2 style="text-align: justify;"><span style="font-size: 18pt;">دهقێ پهیاما سهرۆك بارزانى:</span> <span style="font-size: 18pt;">ب ناڤێ خۆدایێ مهزن و دلوڤان</span> <span style="font-size: 18pt;">ڕژێما پێشتر یا عیراقێ دكریارهكا نه ڕهوا و بێوژدانهدا، ههشت هزار زهلامێن پیر و گهنجێن بارزانى ژ ژییێ نههـ سالى ههتا 90 سالى كو ب تنێ ژبهركو بارزانى بوون و كورد بوون، دهستهسهركرن و ب شێوهیهكێ نهمرۆڤانه ل بیابانێن باشوورێ عیراقێ كۆمهلكوژكرن، ئهو تاوانه پشكهك بوو ژ دهستپێكا ئهوێ زنجیرهیا تاوانێن ب شێوهیهكێ ڕێكخستى بۆ ژناڤبرنا گهلێ كوردستانێ ژلایێ ڕژێما پێشتر یا عیراقێڤه، ههر ژ بێسهروشوینكرنا 12 هزار گهنجێن فهیلى و ئهنفال و كیمیابارانان ل سهرانسهرى كوردستانێ و تهعریب و ڤهگۆهاستنا ب زۆرى و گوهۆرینا دیموگرافیا كوردستانێ.</span> <span style="font-size: 18pt;">ل 41 سالیا ئهنفالا بارزانییان سلاڤان بۆ گیانێ یاقژێ شههیدێن ئهنفال و ههموو شههیدێن كوردستانێ دهنێرین، ههروهسا سوپاسییا خهلكێ كوردستانێ ب تایبهت جهماوهرێ دهشتا ههولێر، ههریر و سۆران دكهین كو دوێ ههلكهڤتا تهعلدا ههڤسوزێن بارزانییان بوو ن و هاریكارێن وان بوون، سوپاسییا كهسوكارێن ئهنفالان ب تایبهتى ئهوان دایك و ژنێن بارزانى دكهین كو نموونهیا خۆراگرى و قارهمانییێ بوون و ئازار ژ چاڤهرێیا دوور و ژ دهستدانا ئهزیزان دیتین.</span> <span style="font-size: 18pt;">ئهو تاوانێن ل دژى خهلكێ كوردستانێ هاتینه كرن، موو ژ ئهنجامێ عهقلییهتا شۆڤینى و خۆ سهپاندن و نهمرۆڤایهتییا دهستههلاتدارێن سهردهمێ پێشتر یێن عیراقێ بوون.</span> <span style="font-size: 18pt;">ئهو عهقلیهته ئهگهرێ سهرهكییێ گیروبوون و دهردهسهرى و كارهساتان بوو، بۆ ههموو گهلێن عیراقێ و دهڤهرێ</span> <span style="font-size: 18pt;">مهسعوود بارزانى</span> <span style="font-size: 18pt;">31ى تهمموزا 2024ێ</span></h2>
