دبیت هەرئێك ژ مە كەسەك دیتبیت كو پشتی نشتەرگەرییێ ب شێوەیەكێ سەیر دئاخڤیت، ئەرێ ئەگەرێ ڤێ چەندێ چیە و ئەو ئاخفتنێن ل وی دەمی دهێنە گۆتن ڕاستن ؟
د. ڕەوا بەهرام، نۆژدارێ سڕكرن و چاڤدێرییا چڕ ئاشكەرا كر، دبیت ئەو بابەتێ نەخۆش پشتی نشتەرگەرییێ دبێژیت چ ڕامان نەبن، یان ڕاستی بن و نەڤێت د ژیانا خۆ دا بۆ كەسێ بێژیت. لێ مێشكێ وی پشتی نشتەرگەرییێ شیانێن پاراستنا وان ئاخفتنان ژدەست ددەن.
دیار ژی كر، دبیت هندەك ژ وان بابەتێن كەسێ نەخۆش پشتی نشتەرگەرییێ بەحس دكەت نە د دروست بن و ل گەل بیروباوەرێن وی نەگۆنجن، لێ د وی دەمی دا مێشكێ وی ب نە دروست نادانیت و هزر دكەت كارەكێ دروستە.
زێدەتر ئاماژە كر، ئەڤ شێوازێ ئاخفتنێ پشتی سڕكرنا گشتی و پێدانا دەرمانێ بێهۆشكرنێ ڕویددەن و ئەگەر ژی ئەوە كو ئەو دەرمانێن بۆ سڕكرنێ دهێنە بكارئینان كارتێكرنێ ل سەر شێوازێ هزركرنێ و ئاخفتنێ دروست دكەن یان دبنە ئەگەرێ خاڤ بوونا زمانی، لەوما ب زەحمەت دكەڤیت نەخۆش پەیڤ و ڕستەیان دەرببڕیت.
گۆت ژی: گەلەك جاران ئاخفتن پشتی دەمژمێرەكێ بۆ دوو دەمژمێران پشتی نشتەرگەرییێ ب تەمامی ڕوون دبیت و دوماهی ب ڤی حالەتی دهێت، لێ هۆشهاتنا ب تەمامی دبیت هەتا شەش دەمژمێران ڤەكێشیت. باشترە پشتی نەشتەرگەرییێ دانوستاندن ل گەل نەخۆشی بهێتەكرن و ڕێ نەهێتەدان بنڤیت، داكو هەناسەدانا وی باشتربیت و زویتر بهێتە سەر هۆشێن خۆ.
