مەسرور بارزانی، سەرۆکێ حکومەتا هەرێما کوردستانێ ئهڤرۆ ڕۆژا دووشهمبى پێشوازی ل کلاوس شترایشەر، كونسۆلێ گشتییێ ئەلمانیا ل هەرێما كوردستانێ کر.
سەرۆکوەزیران مەسرور بارزانی سوپاسییا کونسۆلێ گشتی و حکومەت و گەلێ ئەلمانیا کر بۆ پەیوەنديیێن دۆستانە و پشتهڤانیكرنا هەرێما کوردستانێ، هەروەسا خواستا گرنگیدانا زێدهتر یا پەیوەندییێن دوولایەنە دووپات کر.
كونسۆلێ گشتییێ ئەلمانیا پێزانین بۆ پشتهڤانى و هەماهەنگییا لایەنێن پەیوەندیدار یێن حکومەتا هەرێما کوردستانێ ل گەل كونسۆلخانهیێ دیاركر و ئامادەییا ئهلمانیا بۆ بهێزكرنا پەیوەندییان ل گەل هەرێما کوردستانێ د بیاڤێ جودادا نیشاندا.
